"Mədəniyyət" qəzetinin bağlanmasına RƏSMİ MÜNASİBƏT
Azərbaycan Respublikasının Mədəniyyət Nazirliyinin rəsmi qəzeti olan "Mədəniyyət" qəzetinin çapı dayandırılması ilə bağlı məsələyə aydınlıq gəlib.
Mədəniyyət Nazirliyindən Defakto.az-ın sorğusuna cavab olaraq bildirilib ki, qəzetin nəşri 2024-cü ilin dekabr ayından dayandırılıb.
"Mətbu orqan fəaliyyətini bundan sonra elektron formatda davam etdirəcək", - deyə məlumatda vurğulanıb.
Xatırladaq ki, "Mədəniyyət" qəzetinin ilk sayı 1991-ci ilin yanvarın 2-də nəşr olunub. Qəzetin təsisçisi Mədəniyyət Nazirliyidir. Nazirliyin mətbu orqanı kimi nəşrin başlıca vəzifəsi Azərbaycanda mədəniyyət sahəsində həyata keçirilən dövlət siyasətini işıqlandırmaq, bu sahədə görülən işləri ictimaiyyətə çatdırmaqdır.
Əzizə İsmayılova
