"Temu" şirkəti istifadəçiləri ALDADIR?
Çinin aparıcı e-ticarət firmalarından biri olan "Temu" şirkətinin Azərbaycan bazarında istifadəçiləri aldatdığı iddia olunub.
Defakto.az xəbər verir ki, iddiada şirkətin hədiyyə və bonuslarla bağlı vədlərinin yalan olması göstərilib.
Qeyd olunub ki, şirkət tərəfindən proqramı yükləyən hər kəsə hədiyyə və bonuslar verilməsi vəd olunsa da, sonda vədə əməl edilmir.
"Bu isə dələduzluqdur", - deyə şikayətçi bildirib.
Məsələ ilə bağlı "Temu"nun baş ofisindən Defakto.az-ın sorğusuna cavab olaraq, yaranan vəziyyətdən təəssüf hissi keçirdikləri bildirilib:
"Temu"da biz sərfəli təkliflərimizə əlavə dəyər qatmaq və alış-veriş təcrübəsini artırmaq üçün tanıtım kampaniyaları yaradırıq. Hər bir kampaniyanın şərtləri aydın formada şirkətin səhifəsində qeyd edilir və mükafatların həmin qeyd olunan meyarlara cavab verilməsindən asılıdır. İstənilən çətinliklərlə bağlı müştəri xidməti komandamız hər zaman 24/7 kömək etmək üçün hazırdır", - deyə açıqlamada vurğulanıb.
Əzizə İsmayılova
