Ağdərədə insan sümükləri TAPILDI
Xəbər verdiyimiz kimi, Ağdərə rayonunun Baş Güney kəndi ərazisində insana məxsus olduğu ehtimal edilən skelet fraqmentləri aşkarlanıb.
Defakto.az "Report"a istinadən xəbər verir ki, qalıqların Əsəddin Curu oğlu Novruzov və Qurban Ramazan oğlu Göyüşova məxsus olduğu ehtimal edilir.
Bildirilib ki, qalıqlar həmin şəxslərin 1992-ci il martın 12-də şəhid olduqdan sonra yaxınlarının qoyub getdikləri yerdə tapılıb.
Artıq qalıqlar ərazidən götürülərək şəxsiyyətlərinin müəyyənləşdirilməsi üçün ekspertizaya göndərilib.
Ağdərənin Baş Güney kəndində insan sümükləri tapılıb.
Defakto.az-ın məlumatına görə, araşdırmalar prokurorluq tərəfindən aparılır.
Aytac Qasımova
