ABŞ İrandakı gizli obyekti aşkar edib? - ŞOK İDDİA

İranın gizli nüvə obyekti olduğu iddia edilib.

Defakto.az xəbər verir ki, "Fox News" telekanalı İranın əvvəllər məlum olmayan nüvə silahı obyektini əks etdirən peyk görüntülərini dərc edib.

Məlumata görə, həmin yer İranın şimalındakı Semnan əyalətindədir və Tehranın artıq məlum olan nüvə obyektlərindən çox uzaqdadır.

İran Milli Müqavimət Şurasının (NCRI) məlumatına görə, ölkə daxilindəki mənbələrdən alınan kəşfiyyat məlumatları 1000 hektardan çox ərazini əhatə edən nəhəng kompleksə işarə edir.

İran hakimiyyətinin “Rainbow Facility” adlandırdığı bu obyektin 10 ildən artıqdır ki, "Diba Energy Siba" adlı kimyəvi istehsal şirkəti kimi maskalanaraq fəaliyyət göstərdiyi bildirilir.

NCRI mənbələrinə görə, "Rainbow Facility"nin əsas funksiyası nüvə silahlarını təkmilləşdirmək üçün istifadə edilən radioaktiv izotop olan tritium çıxarmaqdır. "Uranın zənginləşdirilməsindən fərqli olaraq, tritiumun praktiki olaraq heç bir dinc və ya kommersiya məqsədli istifadəsi yoxdur, bu da İranın nüvə ambisiyalarının yalnız enerji və ya mülki məqsədlərə yönəldiyi barədə uzun müddətdir davam edən iddialarını şübhə altına alır", - deyə bildirilib.

Defakto.az