İlon Maskın BAŞI DƏRDDƏ - Qrup iddiası qaldırldı, "Tesla" avtomobillərində...
"Tesla"nın CEO-su İlon Mask problemlərdən qurtula bilmir.
Defakto.az xəbər verir ki, bu barədə "Bild" məlumat yayıb.
İndi ABŞ-da şirkətə qarşı qrup iddiası qaldırılıb. Əsas ittiham odur ki, "Tesla" guya öz avtomobillərinin odometr göstəricilərini saxtalaşdırır.
İddia avtomobil istehsalçısını, xüsusən də, aşağıdakılarda ittiham edir:
"İddiaçı, qət edilən kilometrlərin sayını artıran daxili yürüş izləmə sisteminə malik etibarlı zəmanəti olan "Tesla" avtomobili aldı", - qəzet yazıb.
Los-Anceles sakini Nari Hinton iddia edir ki, onun Tesla-nın odometri əslində sürdüyündən xeyli çox mil göstərir. Onun sözlərinə görə, bu, şirkətə avtomobilin (bəzən pullu) zəmanət müddətini süni şəkildə qısaltmağa imkan verir, çünki yürüş onun etibarlılığının əsas göstəricisidir.
Hinton iddia edir ki, 2023-cü ilin yanvar ayından iyun ayına qədər o, gündə təxminən 20 mil sürətlə yalnız işə və bəzən idman zalına maşınla gedib. Bununla belə, avtomobilin odometri bəzən 115 kilometrə qədər göstərib. Hinton eyni problemlə altıncı dəfə servis mərkəzinə müraciət etdikdə səlahiyyətli mərkəz zəmanət müddəti bitdiyini əsas gətirərək pulsuz təmirdən imtina edib.
Zəmanət müddəti başa çatdıqdan sonra, odometr qəfil əvvəllər yazılmış kilometrləri silib. İndi cihaz faktiki yürüşün yarısını göstərməyə başlayıb.
Hinton onlayn forumlar vasitəsilə oxşar problemləri olan bir çox "Tesla" sahiblərini tapıb. İndi onlar şirkəti fırıldaqçılıqda və müştəriləri aldatmaqda ittiham edərək, şirkətə qarşı qrup iddiası qaldırırlar.(publika.az)
