Avtomobili köhnə şinlərlə sürməyin təhlükələri
"Köhnə şinlər avtomobilin əyləc məsafəsini artırır".
Defakto.az "Zarulyom"a istinadən xəbər verir ki, bunu Rusiyanın "Fit Service" avtomobil xidmətinin rəhbəri Nikolay Poqulyayev qeyd edib.
O izah edib ki, protektorun dərinliyi kritik dərəcədə az olduqda yol səthi ilə təmas pisləşir.
Poqulyayevin sözlərinə görə, yaş asfaltda 1-2 mm dərinlik fərqi əyləc məsafəsinə bir neçə metr əlavə edə bilər.
O qeyd edib ki, aşağı protektorlu şinlər suyu daha pis xaric edir. Quru yolda belə, köhnə şinlər qeyri-sabitlik deməkdir. Məsələn, əgər onlarda şiş və ya çatlar kimi zədələr varsa, çuxura düşəndə şin partlaya bilər.
Poqulyayev yeni şinlərin alınmasında qənaət etməməyi və orta qiymət seqmentində keyfiyyətli şinlər almağı tövsiyə edir.
