ABŞ-ın texnologiya nəhəngləri “Tesla” və “SpaceX”ın qurucusu Cənubi Afrikalı biznesmen Elon Maskın sərvəti son 4 ayda 44,1 milyard ABŞ dolları və ya 2,8 dəfə artaraq 68,7 milyard ABŞ dollara yüksəlib.
Bu barədə “Forbes” jurnalının “Ən varlılar” hesabatında bildirilib.
Məlumata görə, bununla da E.Mask ilk dəfə “Forbes”in “ən varlılar” siyahısında ilk 10-a girib. Belə ki, hesabat dövründə o, milyarderlər sıralamasında 21 pillə irəliləyib. Eyni dövrdə isə onun sahib olduğu “Tesla” şirkətinin səhmlərinin dəyəri beynəlxalq birjalarda 320% artıb.
İlk 10-a girməsi barədə E.Mask bildirib ki: “Heç əhəmiyyət vermirəm, bu rəqəmlər enib, qalxır. Əhəmiyyətli olan, xalqın sevdiyi gözəl məhsullar istehsal etməkdir”.
Qeyd edək ki, “ən varlılar” siyahısına “Amazon”un CEO-su Jeff Bezos (176 mlrd ABŞ dolları) başçılıq edir. Onu “Microsoft”un qurucusu Bill Gates (117 mlrd ABŞ dolları) və Fransanın “LVMH” şirkətinin sahibi Bernard Arnault (94,1 mlrd ABŞ dolları) izləyib.
Elon Maskın sərvəti 44 mlrd dollar artıb
Previous PostTəhsil Nazirliyi bu istiqamətdə vacib təkliflər hazırlayacaq
Next PostAvqust ayında sərtləşdirilmiş karantin rejimi ləğv olunacaq - RƏSMİ
