Azərbaycan elminə ağır itki üz verib - FOTO
Professor Tərlan Novruzov 78 yaşında dünyasını dəyişib.
Bu barədə Defakto.az-a onun yaxınları məlumat verib.
Bildirilir ki, mərhum uzun müddət xəstəlikdən əziyyət çəkib.
Ədəbiyyatçı alim 1993-cü ildən Azərbaycan Dövlət Pedaqoji Universitetinin dünya ədəbiyyatı tarixi kafedrasının müdiri vəzifəsində çalışıb. Professor Tərlan Novruzov bir çox elmi əsərlərin, dərslik və monoqrafiyaların, o cümlədən “Sabir irsinin tədqiqi və təbliği”, “M.Ə.Sabir ədəbi məktəbi”, “Sabir və davamçıları”, “Müasir şeirimizdə Sabir ənənələri” kitablarının müəllifidir.
Allah rəhmət eləsin!
