Qurban kəsimində diqqət yetirməli olduğunuz 5 məqam

“Qurban bayramı ilə əlaqədar olaraq ət kəsim məntəqələrində də, insanların ət alıcılıq qabiliyyəti də yüksəlir, heyvanların kəsimi intensivləşir. Burada müştərilərin əsas diqqət yetirəcəyi məsələlərdən biri heyvan kəsim məntəqələrində sanitar-gigiyenik qaydalarına tam əməl olunmasdır.

Bu sözləri Defakto.az-a açıqlamasında qida təhlükəsizliyi üzrə ekspert İlkin Şirinov deyib. O, xəstəliklərin yayılmaması üçün diqqət yetirilməli olan bir sıra məsələlərdən də söz açıb:

“Heyvan kəsilən yerlərin, məntəqələrin təmizliyi qaydasında olmalıdır(1). Heyvanlarda müxtəlif xətəliklər ola bilər, buna görə də heyvanların baytarlıq nəzarətindən keçməsi mütləqdir (2).

Bundan əlavə insanlar ətə olan tələbatlarını ödəmək məqsədilə 3-5 nəfər yığılıb kəsim məntəqələrindən kənarda - nəzarət olmayan yerlərdə heyvan kəsir, ətrafı çirkləndirirlər. Buna diqqət yetirmələri vacibdir. 

Çünki hər zaman görürük ki, qurban bayramından sonra heyvanların bağırsaqları, onların müxtəlif hissələri yaşayış məntəqələrinin ətrafına tökülür və natəmiz vəziyyət ortaya çıxır(3).

Həmçinin qəsabların da tibbi müayinədən keçməyi əsas şərtdir (4). 

Qida təhlükəsizliyi əməkdaşlarının rəy verdikləri (baytarlıq nəzarət məsələsi) heyvanları kəsmək məsləhətlidir.

Məntəqələrdə qəssabların itifadə etdiyi alətlərin təmizliyi əsas meyarlardandır (5)”.

Billurə Yunus