Ali Koçu ələ salan azarkeş bir il müddətinə stadionlardan uzaqlaşdırıldı

image

"Fənərbağça" - "Qalatasaray" derbisində üzərinə Ali Koç yazılan forma geyinən azarkeş Türkiyə Futbol Federasiyası tərəfindən bir il müddətinə stadionlardan kənarlaşdırılıb.

Defakto.az xəbər verir ki, azarkeşə bundan əlavə altı min Türkiyə lirəsi dəyərində cərimə tətbiq edilib.

"Qalatasaray" rəsmiləri isə azarkeşə qarşı tətbiq edilən bu cərimənin haqsız olduğunu bildiriblər.

Qeyd edək ki, "Qalatasaray" Türkiyə Kubokun dörddəbir final mərhələsində "Fənərbağça"nı 2:1 hesabı ilə məğlub edərək yarımfinala yüksəlib.