Türkiyəli nazir: "Azərbaycanla "Qarabağ" yatağından qaz tədarükü üzrə yeni saziş üzərində işləyirik"
"Türkiyə Azərbaycanla "Qarabağ" neft-qaz yatağından qaz tədarükü ilə bağlı yeni saziş üzərində işləyir".
Defakto.az "S&P Global" beynəlxalq reytinq agentliyinə istinadən xəbər verir ki, bunu Türkiyənin energetika və təbii sərvətlər naziri Alparslan Bayraktar deyib.
Onun sözlərinə görə, bu yataqdan qaz idxalına 2028-2029-cu illərdə başlanması barədə razılıq əldə olunub.
Qeyd edək ki, "Qarabağ" neft-qaz yatağı Bakıdan 120 kilometr şərqdə, Xəzər dənizindəki "Günəşli" yatağından 20-25 kilometr məsafədə, 150-200 metr dərinlikdə yerləşir.
