Aleksandar Vuçiç: "Ən azı iki dünya liderinin Putinlə gizli danışığı olub"
Serbiya Prezidenti Aleksandar Vuçiç 2021-ci ildən bəri Rusiya Prezidenti Vladimir Putinlə görüşmədiyini bildirib. Lakin iki dünya lideri barədə məlumatlı olduğunu qeyd edib, hansı ki, onun sözlərinə görə, Putinlə gizli şəkildə danışıblar.
Defakto.az-ın Aif.ru-ya istinadən xəbərinə görə, bu barədə o, bloqer Mario Naufala müsahibəsində danışıb.
Bloqerin 2024-cü ildə Putinlə görüşənlərin Macarıstan və Slovakiyanın baş nazirləri Viktor Orban və Robert Fitso olub-olmadığı ilə bağlı sualına cavabında Vuçiç təsdiqləyib ki, bu onlar deyillər.
Vuçiç, həmçinin əlavə edib ki, mayın 9-da Moskvada Putinlə görüşməyi planlaşdırır və burada Böyük Vətən müharibəsində qələbənin 80-ci ildönümü ilə bağlı bayram tədbirinə qatılacaq. Respublika rəhbəri vurğulayıb ki, Rusiya lideri ilə sonuncu görüşü 2021-ci ilin noyabrında Soçidə baş tutub.
