İngiltərə Premyer Liqası: "Arsenal" azarkeşlərini sevindirdi
İngiltərə Premyer Liqasında 30-cu turun oyunları keçirilir.
Defakto.az xəbər verir ki, "Arsenal" doğma azarkeşləri qarşısında "Fulhem"i sınağa çəkib.
"Emirates" arenasında baş tutan oyun meydan sahiblərinin üstünlüyü ilə yekunlaşıb. "Topçular" 2:1 hesabı ilə qələbə qazanıblar.
Hazırda Mikel Artetanın yetirmələri 61 xalla turnir cədvəlində 2-ci pillədə qərarlaşıblar. Onlar lider "Liverpul"dan 9 xal geri qalırlar, lakin mersisaydlıların ehtiyatda bir oyunu var.
Aktivində 45 xalı olan "Fulhem" isə yarış cədvəlində 8-ci yerdədir.
