Cəlilabadda minik avtomobilləri toqquşub: Ölən və xəsarət alan var
Cəlilabad rayonunda iki minik avtomobili toqquşub.
Defakto.az "Report"a istinadən xəbər verir ki, hadisə rayonun Uzuntəpə kəndi ərazisində qeydə alınıb.
Qəza zamanı BMW markalı minik avtomobili ilə VAZ-2101 markalı minik avtomobili toqquşub.
Hadisə nəticəsində VAZ-2101 markalı minik avtomobilinin sürücüsü Sabir Niftəliyev xəsarət alıb, avtomobildəki sərnişin, 1961-ci il təvəllüdlü Gülsüm Abdullayeva isə həyatını itirib.
Faktla bağlı araşdırma aparılır.
