Fransa çempionatının 31-ci turunun matçında PSJ gözlənilmədən öz stadionunda “Havr”la 3:3 hesabı ilə heç-heçə edib.
Qonaqlar Kristofer Operinin dəqiq zərbəsi sayəsində önə keçsələr də, bir neçə dəqiqə sonra Luis Enrikenin yetirmələri Bredli Barkolun səyi ilə hesabı bərabərləşdiriblər.
Birinci hissə bitməmiş “Havr” yenidən önə keçib, Andre Ayyu fərqlənib. Fasilədən sonra Abdulaye Ture penaltini qola çevirərək fərqi artırıb.
Lakin parislilərin heyətində əvvəlcə Əşrəf Hakimi qola imza atıb. Əlavə vaxtda isə Qonsalo Ramos meydan sahiblərinə heç-heçəni gətirib.
Hazırda PSJ turnir cədvəlinə liderlik edir, “Havr” isə 15-ci yerdədir. Əgər Paris klubu bu oyunda qələbə qazansaydı, vaxtından əvvəl çempionluğunu elan edə bilərdi.
