Rusiya pandemiya ilə əlaqədar Azərbaycan, Ermənistan, Qazaxıstan, Qırğızıstan, Tacikistan, Türkmənistan, Özbəkistan və İrana uçuşlara tətbiq etdiyi məhdudiyyətləri aradan qaldırıb.
Defakto.az xəbər verir ki, bu barədə “RİA Novosti” agentliyi məlumat yayıb.
Uçuşlar hava hərəkətinə dair ikitərəfli hökumətlərarası sazişlərin müddəaları və aviasiya orqanları arasında ayrı-ayrı sazişlər əsasında qarşılıqlı əsasda həyata keçiriləcək.
Aviaşirkətlər müntəzəm və qeyri-müntəzəm uçuşları həyata keçirərkən Rusiya Federasiyasının Baş Dövlət Sanitariya Həkiminin 18 mart 2020-ci il tarixli 7 nömrəli “COVID-19-un yayılmasının qarşısının alınması üçün izolyasiyanın təmin edilməsi haqqında” Fərmanının müddəalarına əməl etməlidirlər.
