Sentyabrın 30-da Nizami Rayon Polis İdarəsinin 24-cü Polis Şöbəsində 27 yaşlı həyat yoldaşını xidməti silahla qətlə yetirən polis əməkdaşının görüntüləri üzə çıxıb.
Defakto.az “DEFAKTO.az”a istinadən fotoları təqdim edir:
Qeyd edək ki, Nizami Rayon Polis İdarəsinin 24-cü Polis Şöbəsinin Post Patrul Xidmətinin serjantı İsmayıl Məmmədov xidmətdə olarkən şəxsi münasibətlər zəminində aralarında yaranan münaqişə zamanı Nizami RPİ-nin 24-cü Polis Şöbəsində xidməti silahdan atəş açaraq Xanım Məmmədovanı güllələyərək öldürüb.
Baş Prokurorluğun İstintaq İdarəsində Cinayət Məcəlləsinin 120.2.4-cü (xüsusi amansızlıqla qəsdən adam öldürmə) maddəsi ilə cinayət işi başlanıb.
İsmayıl Məmmədov şübhəli şəxs qismində istintaqa cəlb edilib. Hazırda iş üzrə zəruri istintaq tədbirləri davam etdirilir.
