Bu gün Azərbaycan şahmatçısı Rauf Məmmədov norveçli dünya çempionu Maqnus Karlsenin təşkil etdiyi Çempionlar Turunun “Airthings Masters” mərhələsinin I divizionunda mübarizəyə başlayacaq.
“DEFAKTO.az”un məlumatına görə, 35 yaşlı qrosmeyster 1/4 finalda ABŞ təmsilçisi Uesli So ilə üz-üzə gələcək.
Qarşılaşma Bakı vaxtı ilə 20:00-da start götürəcək. Tərəflər 4 görüş keçirəcəklər. Qalib növbəti raundda Qukeş Dommaraku (Hindistan) – Hikaru Nakamura (ABŞ) duelinin güclüsü ilə qarşılaşacaq.
1/4 finalda həmçinin Maqnus Karlsen rusiyalı Aleksey Sarana ilə, İran əsilli Alireza Firuzca digər hindistanlı Arcun Eriqaisi ilə oynayacaq.
Qeyd edək ki, “Airthings Masters” fevralın 10-da başa çatacaq.
