“Cənab Prezident, bədxahların mövcudluğu və müdaxiləsi olmadan İran və Azərbaycan arasındakı 760 km-lik dövlət sərhədi iki qonşu xalq üçün dostluq, sülh və təhlükəsizlik sərhədi olaraq qalacaq”.
Defakto.az xəbər verir ki, bunu İranın Azərbaycandakı səfiri Seyid Abbas Musəvi “Twitter” hesabında yazıb.
“İranlılar Azərbaycandakı müsəlman qardaş və bacılarının xoşbəxtliyinə sevinir”, – deyə İran səfiri vurğulayıb.
Qeyd edək ki, ötən gün Zəngilanın Ağbənd qəsəbəsinin azad edilməsi ilə Azərbaycan və İran dövlət sərhədinin tam nəzarətə götürülməsi təmin olunub.
Bu münasibətlə Prezident İlham Əliyev Azərbaycan və İran xalqını təbrik edib.
