ABŞ Prezidenti Co Bayden Ukraynaya hərbi yardım göstərilməsinə dair memorandum imzalayıb. Ümumi məbləğ 600 milyon, müdafiə sahəsində olan yardım isə 350 milyon ABŞ dolları təşkil edib.
Defakro.az “DEFAKTO.az”a istinadən xəbər verir ki, bu haqda xarici mətbuat orqanları məlumat yayıb.
“Dövlət katibinə Ukraynaya təcili hərbi yardım göstərmək səlahiyyətini verirəm”, – memorandumda deyilir.
Sənəddə qeyd edilir ki, ABŞ dövlət katibi öz səlahiyyətləri çərçivəsində Ukraynaya 250 milyon dollar məbləğində təmənnasız yardım göstərməyin ABŞ-ın maraqlarına uyğun olub-olmadığını müəyyən etməlidir. 350 milyon ABŞ dolları isə hərbi nazirliyin müdafiə vasitələri və xidmətləri, o cümlədən təlim və məşqləri üçün nəzərdə tutulub.
Onu da bildirək ki, Rusiya fevralın 24-dən Ukraynada hərbi əməliyyat keçirir. Rusiya prezidenti Vladimir Putin bunun Ukraynanın demilitarizasiyası üçün lazım olduğunu söyləyib. Bir sıra ölkələr, o cümlədən ABŞ Rusiyaya qarşı sanksiyalar tətbiq edib.
Bu gün – fevralın 26-da isə Putinə qarşı məhdudiyyətlər tətbiq edilib.
