“Qarabağ”ın oyununa görə metroda xüsusi tədbirlər görülür | DEFAKTO.AZ “Qarabağ”ın oyununa görə metroda xüsusi tədbirlər görülür – DEFAKTO.AZ

“Qarabağ”ın oyununa görə metroda xüsusi tədbirlər görülür

5

Bu gün Tofiq Bəhramov adına Respublika stadionunda UEFA Konfrans liqasının qrup turniri çərçivəsində “Qarabağ” futbol klubunun keçirəcəyi oyunla əlaqədar, arenanın yaxınlığında yerləşən “Gənclik” stansiyasında qarşılaşmanın keçirildiyi vaxt ərzində gücləndirilmiş iş rejimi tətbiq olunacaq.

Bu barədə “Bakı Metropoliteni” QSC-nin mətbuat xidmətinin rəhbəri Bəxtiyar Məmmədov açıqlamasında bildirib.

Onun sözlərinə görə, oyundan sonra sərnişinlərin təhlükəsiz və rahat daşınmasını təmin etmək məqsədilə bu stansiyaya yaxın obyektlərdə keçirilən kütləvi mədəni tədbirlərlə bağlı əməliyyat planına uyğun olaraq, keçidlərdə, vestibüllərdə və platformada müvafiq tədbirlər görüləcək.

“Ehtiyat qatarlar da nəzərdə tutulacaq. Zərurət yaranarsa, həmin qatarlar xəttə buraxılacaq.

Həmçinin “Nəriman Nərimanov” stansiyasının normal iş rejimi şəraitində sərnişinlərə xidmət göstərməsi üçün tədbirlər nəzərə alınacaq”, – deyə qurum rəsmis bildirib.

“Qarabağ” klubuna uğurlar!




Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir