ABŞ-nin Florida ştatında “Əl-Qaidə” lideri Üsama bin Ladenin ailəsinin keçmiş mülkü sökülüb.
Oklend şəhərində yerləşən bina uzun müddət Usama bin Ladenin qardaşı Xəlilə məxsus olub.
2001-ci il sentyabrın 11-də Nyu-Yorkda baş verən terror aktından sonra Xəlil iqamətgahını tərk edərək şəxsi təyyarəsi ilə Səudiyyə Ərəbistanına qaçıb. O vaxtdan bəri mülkün sahibləri bir neçə dəfə dəyişib və o tədricən yararsız hala düşüb. Son zamanlarda o bu saytda yeni bina tikməyi planlaşdıran və tərk edilmiş əmlakı sökməyə qərar verən xüsusi tikinti şirkətinə məxsus olub.
Demək olar ki, yeddi hektarlıq geniş ərazidə yerləşən əmlak beş yataq otağı və beş vanna otağından ibarət idi. Qonşuların dediyinə görə, bu evin zirzəmisi zirehli olub və bunkerə bənzəyib. Ərazidə həmçinin hovuz və at tövləsi də olub. Arxa həyət böyük bir gölə çıxıb. Eyni zamanda, “Əl-Qaidə”nin qurucusunun üçüncü qardaşı İbrahimə məxsus olan bin Laden ailəsinin digər iqamətgahına üçüncü ildir ki, alıcı tapmaq mümkün deyil.
Mənbə: New York Post
