Cənubi Afrikanın Qautenq əyalətinin məhkəməsi dələduzluqda təqsirli bilinən doqquz nəfəri 10939 il müddətinə azadlıqdan məhrum edib.
Qeyd olunur ki, məhkum olunanlar çirkli pulların yuyulması, dələduzluq, sənədlərin saxtalaşdırılması və qanunsuz fəaliyyətdə başqalarına köməklik də daxil olmaqla 391 maddə ilə ittiham olunublar. Ən böyük cəzanı 59 yaşlı Yeremiya Nyaşa Musivaço Dube alıb – 3378 il. Lakin məhkəmə qərarında qeyd olunub ki, cəzanı yüngülləşdirən hallara görə o, 65 il həbsdən sonra azadlığa çıxa bilər. Ən yüngül cəzanı Bonqani Mbonani alıb, o, 42 il müddətinə azadlıqdan məhrum edilib.
2009-2016-cı illər ərzində məhkum olunmuş şəxslərin hamısı saxta vergi bəyannamələri üzrə ƏDV-nin qaytarılması və digər kompensasiya ödənişlərinin alınması məqsədilə müxtəlif şirkətlərin qeydiyyata alınmasının qanunsuz fəaliyyətlərində iştirak ediblər. Onlar həmçinin digər saxta sənədlər, o cümlədən şəxsiyyət vəsiqələri və doğum haqqında şəhadətnamələr də hazırlayıblar.
Mənbə: TASS
