DTX-nin tutduğu XİN vəzifəlilərinin məhkəməsi başlayır – Video | DEFAKTO.AZ DTX-nin tutduğu XİN vəzifəlilərinin məhkəməsi başlayır – Video – DEFAKTO.AZ

DTX-nin tutduğu XİN vəzifəlilərinin məhkəməsi başlayır – Video

61

Ötən ilin iyul ayında Dövlət Təhlükəsizliyi Xidməti tərəfindən həbs edilən Xarici İşlər Nazirliyinin İşlər idarəsinin müdiri Fərhad Mollazadə və idarənin təsərrüfat şöbəsinin müdiri Səlim Əlizadənin cinayət işi üzrə ibtidai istintaq yekunlaşıb.

“Defakto.az” xəbər verir ki, iş materialları baxılması üçün Bakı Ağır Cinayətlər Məhkəməsinə göndərilib.

XİN isə bu iş üzrə zərərçəkmiş tərəf kimi tanınıb. İşə hakim Əfqan Hacıyevin sədrliyi ilə baxılacaq.

Qeyd edək ki, Səlim Əlizadə “Eurovision” mahnı müsabiqəsinin iştirakçısı, tanınmış müğənni Safura Əlizadənin atasıdır. O, vəzifə səlahiyyətlərindən sui-istifadə etmə, mənimsəmə, rüşvət alma maddələri ilə təqsirləndirilir.

Xatırladaq ki, Safura Əlizadə mərhum energetika naziri Natiq Əliyevin oğlu Fərhad Əliyevin həyat yoldaşıdır.

Fərhad Mollazadə isə Azərbaycan Demokratik Partiyasının sədri, deputat Asim Mollazadənin əmisi oğludur.




Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir