SOCAR (Azərbaycan Respublikası Dövlət Neft Şirkəti) şirkəti 2024-cü ilin birinci rübündə Heydər Əliyev adına Bakı Neft Emalı Zavodunda “Avro-5” ekoloji standartlarına uyğun avtomobil benzininin istehsalına başlamağı planlaşdırır.
“Hazırda zavodda modernləşdirmə və yenidənqurma layihəsinin reallaşdırılması işləri davam edir. 2023-cü ilin ikinci rübündən Bakı Neft Emalı Zavodunda “Avro-5” standartlarına uyğun dizel yanacağının istehsalına başlanılıb. Zavodda “Avro-5” standartlarına uyğun avtomobil benzininin istehsalına 2024-cü ilin birinci rübündə başlanılması nəzərdə tutulur”, – deyə SOCAR-ın verdiyi məlumatda qeyd edilib.
Daha əvvəl şirkət 2023-cü ildə “Avro-5”ə başlamağı planlaşdırırdı.
Mənbə: “İnterfaks-Azərbaycan”