Müğənni Nadir Qafarzadə “Fəlidən doğru xəbər” proqramının qonağı olub.
Defakto.az xəbər verir ki, sənətçi bir müddət əvvəl qalmaqala səbəb olan “Professorun da, mənim də soyuducuma baxın. Soyuducum doludur” sözlərindən danışıb.
“Soyuducum yenə də doludur. Mənə sual verdilər ki, kitab oxuyursan? Dedim, kitabı məktəbdə oxumuşam. İndi mahnı oxuyuram, soyuducum da doludur” deyə, Qafarzadə əlavə edib.
Nadir “Maral” mahnısının onun yaradıcılığındakı əhəmiyyətindən danışıb. O bildirib ki, həmin ifadan sonra toylarının sayı çoxalıb.
