İqtisadiyyat Nazirliyinə məxsus “Azərbaycan İnvestisiya Şirkəti” ASC işğaldan azad edilmiş ərazilərdə reallaşdırılacaq “Şahbulaq daş karxanası” layihəsinə dair müsabiqənin qalibi “Star Mining” MMC ilə birgə “Shahbulag Mining” MMC-ni təsis edib.
Bu barədə nazir Mikayıl Cabbarov özünün “Twitter” hesabında paylaşım edib.
“Hazırda Ağdam rayonunda yerləşən Şahbulaq yatağının ehtiyatının dəqiqləşdirilməsi məqsədi ilə geoloji tədqiqat işləri aparılır”, – deyə o qeyd edib.
Nazirlik yanında Dövlət Vergi Xidməti “Shahbulag Mining”i ötən il dekabrın 2-də dövlət qeydiyyatına alıb. Onun hüquqi ünvanı Bakı şəhəri, Yasamal rayonu, General İzzət Həmidov küçəsi, 31, məhəllə 3 161, nizamnamə kapitalı 10 min manat, qanuni təmsilçisi isə Rüstəm Ağalı oğlu Muxtarovdur.
Hazırda Ağdam rayonunda yerləşən Şahbulaq yatağının ehtiyatının dəqiqləşdirilməsi məqsədilə geoloji tədqiqat işləri aparılır.
2/2#EconomyAz #AİŞ pic.twitter.com/GfVFd8llK0— Mikayil Jabbarov (@MikayilJabbarov) January 25, 2023