Tunis parlamentinin keçmiş üzvü, müxalif “Əl-Kərəmə” partiyasının lideri Seyfəddin Maxluf hərbi tribunal tərəfindən 14 ay həbs cəzasına məhkum edilib.
Məhkəmənin gəldiyi qərara görə, müxalif siyasətçi 2021-ci ilin martında Tunis-Karfagen Beynəlxalq Hava Limanında polisləri təhqir edib.
Hazırkı prezident Qeys Səidin əleyhdarı olan siyasətçi bir qrup təhlükəsizlik qüvvələri tərəfindən öz mənzilində həbs edilmişdi.
Seyfəddin Maxluf 2022-ci ildə deputat toxunulmazlığından məhrum edilib.
Tunisdə fəaliyyət göstərən bir çox müxalifət nümayəndələri kimi o, dövlət başçısını hakimiyyəti qəsb etməkdə və diktatura rejimi yaratmağa çalışmaqda ittiham edir.
Mənbə: Mosaique FM
